လာမည့် ဖရဲ၊သခွား စိုက်ပျိုးရာသီတွင် သခွားစိုက်ပျိုးမှု ထက်ဝက်ခန့် ကျဆင်းနိုင်

လာမည့် ဖရဲ၊သခွား စိုက်ပျိုးရာသီတွင် စိုက်ပျိုးမှုများ များစွာလျော့ကျသွားနိုင်ကြောင်း ဖရဲ၊ သခွား စိုက်ပျိုး ထုတ်လုပ် တင်ပို့ရောင်းချသူများထံမှ သတင်းရရှိသည်။


လက်ရှိတွင် ဖရဲ၊ သခွား စိုက်ပျိုးမှုများသည့် မကွေးတိုင်းအတွင်း ယခုနှစ် သခွားမွှေး စိုက်ပျိုးရာသီတွင် နှစ်စဉ် စိုက်ပျိုးနေသည့် နှုန်းထားထက် ၅ ပုံ ၁ ပုံခန့် လျော့ချစိုက်ပျိုးသွားကြမည်ဟု သိရကြောင်း တိုင်းဒေသကြီး ဖရဲ၊ သခွား စိုက်ပျိုးထုတ်လုပ် တင်ပို့ရောင်းချသူများအသင်း ဒုတိယဥက္ကဋ္ဌ ဦးကျော်မင်းက ပြောသည်။

၎င်းက “ ဒီနှစ်ကတော့ ပြောလို့မရသေးဘူး။ လမ်းပန်းဆက်သွယ်ရေး အနေအထားနဲ့ ရောဂါ အနေအထားနဲ့ မနှစ်ကလည်း ရှုံးထားကြတဲ့ အနေအထားနဲ့ဆိုတော့ မနှစ်ကထက် ၄ ပုံ ပုံ ၁ ပုံ၊ ၅ ပုံ ပုံ ၁ ပုံ အဲ့လောက် ထက်မရှိနိုင်ဘူး။ ပုံမှန်ဆိုရင် မကွေးတိုင်းထဲမှာ စိုက်ဧက ၇၀၀ နဲ့ ၁၀၀၀ ကြားလောက်ရှိတာ။ ဒီနှစ်ဆိုရင် ဧက ၁၀၀ လောက်ထက် မရှိနိုင်ပါဘူး” ဟု ပြောသည်။