အိန္ဒိယမှမတ်ပဲဝယ်ယူခြင်းကို သက်တမ်းမတိုး ပေးသေးသော်လည်းအခြားနိုင်ငံများသို့ တင်ပို့ခြင်းဖြင့်ဈေးကာင်းရနေကြောင်းမြန်မာနိုင်ငံပဲမျိုးစုံနှင့် နှမ်းကုန်သည် များအသင်းမှသိရသည်။
''အခုကလက်ကျန်နည်းနေတာရယ်၊ နောက်ပြီးတခြားနိုင်ငံတွေကဝယ်တာရယ်ကြောင့် ပြည်တွင်းဈေးက အိန္ဒိယကဖွင့်ထားတဲ့အချိန်ကထက်တောင်ဈေးကောင်းရနေပါတယ်''ဟု မြန်မာနိုင်ငံပဲမျိုးစုံနှင့် နှမ်းကုန်သည်များအသင်းဥက္ကဌ ဦးထွန်းလွင်က မြန်မာတိုင်းမ်ကို ပြောသည်။
အိန္ဒိယနိုင်ငံက မြန်မာ့မတ်ပဲ တန်ချိန် လေးသိန်းဝယ်ယူမှုကို သြဂုတ်လကုန်ပိုင်းအထိသာ အချိန်လျော့ချ၍ ခွင့်ပြုခဲ့ခြင်းဖြစ်သည့်အတွက် လတ်တလောတွင်အိန္ဒိယသို့ တန်ချိန် တစ်သိန်းကျော်သာတင်ပို့နိုင်သေးသည်။ သက်တမ်းကုန်ဆုံးသွားသော်လည်း ထပ်မံသက်တမ်းမတိုးပေးသည့်အတွက် UAE ၊ ဘင်္ဂလားဒေ့ရှ်နှင့်နီပေါနိုင်ငံ စသည့်နိုင်ငံများသို့ တောက်လျှောက်တင်ပို့ရောင်းချနေခြင်းဖြစ်ကြောင်း ၎င်းကပြောသည်။