လက်ရှိ ကိုဗစ်-၁၉ ကာလတွင် နိုင်ငံတကာနှင့် ကုန်သွယ်ရေး မြှင့်တင်နိုင်ဖို့အတွက် အွန်လိုင်းကနေ ကုန်သည် ချင်းချင်း ချိတ်ဆက်ပေးတဲ့ စနစ်ကို ကျင့်သုံးနေကြကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ကုန်သွယ်မှု မြှင့်တင်ရေးအဖွဲ့မှ သိရသည်။
မြန်မာနိုင်ငံ အနေဖြင့် ယခင်က နိုင်ငံတကာ ကုန်စည်ပြပွဲများတွင် မြန်မာ့ထွက်ကုန်များကို လိုက်လံပြသခြင်းဖြင့် ကုန်သွယ်မှု မြှင့်တင်ခဲ့သော်လည်း လက်ရှိကာလ နိုင်ငံတကာသို့ သွားရောက်ပြသနိုင်ခြင်း မရှိသည့် အခြေအ နေတွင် အွန်လိုင်းမှ အဓိက ချိတ်ဆက်ပေးနေခြင်းဖြစ်ကြောင်း သိရသည်။